aida tanglao

ABLAS

e ku pinay
e ku kana
nanu ku kaya?
sabyan kuna mu tau ku
kalupa ring makabasa

o makarandam kanini kaya?

makasumami mekad pin
ing sasalita nang sasalita
king kebayitan mung likwan
dapot kaburyan pin kaya
ing lakwan ka kaluguran?

mangatapang la ding aliwa
karing karaya miparayu
ding linasang kapanuldwan
mengapilit malsa balutan
minta king marayung lawta

makanyan man e sisisyan
makalitung pamalagyu
neng ing pangarayu
ikit lakwas ing likwan
nanu ya mo ta ing lagyu.

maulaga ing mimulagat mata
asuri ing denasan
alwang lugal
alwang diwa
bayung bukas, bayung tula.

ding yamut makakutkut
mabye pin gabun tibwan
menalete balag ning kapagalan
keni lugal gatas at pulut talubang
o yan king pupul abe ko ngan

—Posted: 10:21 AM 6/24/11 by eK! | Post Your Comment!

About the author. Aida Tanglao is a U.S.-based Kapampangan Filipino American. She has lived and worked in different communities in Pampanga, Manila, and in Nigeria when the Philippines was under a regime of civil rights suppression. She studied in various public and private Philippine institutions, went to graduate school in Pampanga, and further attended local colleges in the U.S. Proudly, she is a mother of five and a grandmother to eight. Her personal and educational backgrounds provide the impetus for her to reach out and help in instilling cultural, moral, and historical consciousness among her people and in advocating correct child rearing approaches. She has embraced into her motherhood and patriotic obligations working for the Filipino's aspirations to spiritual and human liberation and contentment.