ADWANG CAUATASAN
CALUPA NING MARIPOSA
Calupa ning mariposa,
ing tau maglacbe ya...
magdulap yang atagquil na
ban iti micasilbi ya:
e mu cabud ing manicua ya
dapot ban mu rin maca-ibie ya.
Calupa ning mariposa.
e mayan ing delana' na
ban miyubug ya quing legua' na
at mie yang silbi quing sampaga,
ban ing yatu mapiblas ya
quing naturalesang legua' na.
Calupa ning mariposa
ing tau sa mangara ya
at aquit na ing silbi na
queting bie daralana' na:
ing e mu cabud susulapo ya
bagcus magdulap yang aibie na.
ing tau maglacbe ya...
magdulap yang atagquil na
ban iti micasilbi ya:
e mu cabud ing manicua ya
dapot ban mu rin maca-ibie ya.
Calupa ning mariposa.
e mayan ing delana' na
ban miyubug ya quing legua' na
at mie yang silbi quing sampaga,
ban ing yatu mapiblas ya
quing naturalesang legua' na.
Calupa ning mariposa
ing tau sa mangara ya
at aquit na ing silbi na
queting bie daralana' na:
ing e mu cabud susulapo ya
bagcus magdulap yang aibie na.
ING DISTANCIA NA NING LULUGUD
Ing distancia na
Ning lulugud casing-laut
Nia mu ning
Mumuna at tauli
Mung meguing sinta,
Macasucad ka... maca-marca
Titlu mung amanu
Ing pilatan da:
"Caluguran da ca."
Ning lulugud casing-laut
Nia mu ning
Mumuna at tauli
Mung meguing sinta,
Macasucad ka... maca-marca
Titlu mung amanu
Ing pilatan da:
"Caluguran da ca."
—Posted: 6:34 PM 12/20/11 by eK! | Post Your Comment!
| About the author. Abel D. Soto took up his certificatory double major course in Creative Writing and Performing Arts at Centre for Arts Foundation, Inc. in Quezon City. He also finished the Managing the Arts Program at the Asian Institute of Management in Makati City. He is a resident of Bacolor, Pampanga. |
