MAKALAWE KU king swimming pool kening eskwela kabang manaya king talaturu ming pakasikan katawan. Ngaku kening anak a magaral ngeni ku pa akayarap, bisa kung magaral kawe. Uling makananu kung turung magpasikan king danuman nung ali ku biasang kawe.
Makatula ngaku kaya, king metung a lugal mayayaus "archipelago", pulu o lugal makapadurut danum ding dakal a tau ali la biasang kawe. Nung bakit karing pipagaralan e la mituturung kawe ring anak a magaral. Kabang kening lugal Amerika ali ka mag-graduate nung ali ka mituru at mebyasang kawe. Gising curriculum makers.
Mistula yang sapa ing ikit kening video ning albug. Pati ring banal a amanu ning santa misa ngening Dumingu makasulat ing salungsungan malilyari. Keni king Amerika migmula reng palage ing "US National Parks" nang Ken Burns. Makasawang in legwan ning lugal ayni. Ababalu mila ding linakad bang dening bandi ning Kalikasan mayinggat la. Makalungkut mu king dakal lang Katutubung Amerikanu o Indians ding mengalako tuknangan ampon kabyayan at mismung biye. Ngeni king Lugal Kebaytan ing paglugalan nang Apung Sinukwan malalagpak ya pauli ning kapabayan ding manungkulan, memalayan. I Apung Alaya, gigisingan nakatamu.
Makananu lang bansagan magsangkan-sangkanan (pseudo) mu ding taung magmalasakit king Likas nang Bandi ning Tibwan? Nung makanyan la man ding pilan sana magi nalang tune at tapat lulugud sasagip kening ikit at daralanan albug at landslide king Banyu, Arayat.
lalbug ya ing menila
gagato la ding cadillac
matchboxes lang misasabalan
king palanganang Gabun Tibwan
bababa ya ing gabun king pamangulkul
ing danum meko lalam minta babo
o yan e tana kaylangan kulkul
o yan na ing danom karakal
ing danum alang kikilingan
agyang ing malakanyan igato ne king pasigan
anya sa ngening dakal na salapi ibat buwis
ding talibatav panggamit lang kulkul dayat
ilug, lawa, sapa ban luminis la't lumalam
kaybat kanita ing danum mika paglugalan
kesa king malanging patag ilang miyalbugan
perang quarry gamitan nala bang ding dapu e no datang
II. Malambut Pusu Maganakang Presidenti
Ya pin i Gloria MacapagalArroyo (See link) Deng adwang mebasa ampo ing gospel ning Misa ngening Dumingu dikil la king milyari. Makananu kung tuknang sisimba o at ali manwala karing profeta?
Reading 1
Nm 11:25-29
Reading II
Jas 5:1-6
Come now, you rich, weep and wail over your impending miseries.
Your wealth has rotted away, your clothes have become moth-eaten,
your gold and silver have corroded,
and that corrosion will be a testimony against you;
it will devour your flesh like a fire.
You have stored up treasure for the last days.
Behold, the wages you withheld from the workers
who harvested your fields are crying aloud;
and the cries of the harvesters
have reached the ears of the Lord of hosts.
You have lived on earth in luxury and pleasure;
you have fattened your hearts for the day of slaughter.
You have condemned;
you have murdered the righteous one;
he offers you no resistance.
Gospel
Mk 9:38-43, 45, 47-48
III. Lalbug Ya Ing Pilipinas
Ausan la ding siping bangsa
Paralang saken danuman
Ikalat la ding bangka't
Salba vida sagipan la ding Filipinu.
IV. 1972 Albug Banlit Kapampangan
Bayu mitalakad ing Martial Law
Limbug ya ing Kapampangan
Banlit a marakal kabud na dintang
Nukarin menibatan king Clark kanu
Ngara memusbus lang control danuman
V.
Kulayit na kari Presidenti Obama bang dening tau masagip la: www.barackobama.com
